PEMPAL-ის გაერთიანებული შეხვედრა

PEMPAL-ის გაერთიანებული შეხვედრა
თარიღი :
თარიღი :

25-27 მარტს, ავსტრიის დედაქალაქი ვენა მასპინძლობდა 30 ზე მეტი ქვეყნის 200 მონაწილის - ,,საჯარო ფინანსების მართვის პრაქტიკოსთა ურთიერთთანამშრომლობის საერთაშორისო ქსელის PEMPAL-ისგაერთიანებულ შეხვედრას.  

საქართველოს ფინანსთა სამინისტროს დელეგაცია წარმოდგენილი იყო PEMPAL-ის სამივე თემატური ჯგუფის (საბიუჯეტო, ხაზინისა და შიდა აუდიტისა და კონტროლის) ლიდერებით. ამასთან პანელურ განხილვაზე საქართველოს ფინანსთა მინისტრთან ერთად მონაწილეობას იღებდა რვა ქვეყნის ფინანსთა მინისტრი.

სამუშაო ფორმატში მიმდინარეობდა ავსტრიის, ევროკომისიის, ნიდერლანდების, კანადის, ბელგიისა და სხვა წამყვანი ქვეყნების პრაქტიკოსებისა და ექსპერტების გამოცდილებების გაზიარება საჯარო ფინანსების პერსპექტივებზე გლობალური გამოწვევების ფონზე.  

მოხსენებები გაკეთდა მწვანე პოლიტიკისა და ბიუჯეტირების ახალ მიდგომებზე, ამასთან, შიდა აუდიტისა და შიდა კონტროლის პროცესებში ხელოვნური ინტელექტის წვლილსა და ახალ გამოწვევებზე.

თემატური კომიტეტის ფარგლებში, წარდგენილი იყო საქართველოს დელეგაციის პრეზენტაციები საქართველოში საჯარო ფინანსების მართვის რეფორმის მიმართულებით

ასევე, შედგა აღმასრულებელი კომიტეტების შეხვედრები 2025 წლის დაგეგმილი აქტივობების ფარგლებში გადაწყვეტილებების მიღების მიზნით.

შეხვდრას ესწრებოდნენ-საბიუჯეტო დეპარტამენტის ხელმძღვანელი ნათია გულუა, როგორც საბიუჯეტო მიმართულების-BCOP კომიტეტის წევრი, სახელმწიფო შიდა კონტროლის დეპარტამენტის ხელმძღვანელის მოადგილე, ირმა გელანტია-ახვლედიანი, რომელიც, ამავდროულად, არის შიდა აუდიტის მიმართულების IACOP-ის აღმასრულებელი კომიტეტის წევრი; ხაზინის მიმართულებით ერეკლე ღვალაძე, სახელმწიფო ხაზინის ფულადი სახსრების პროგნოზირებისა და მართვის დეპარტამენტის უფროსის მოადგილე, რომელიც ასევე TCOP-ის, ხაზინის აღმასრულებელი კომიტეტის თავმჯდომარეა, ასევე შიდა აუდიტის, ჰარმონიზაციის ცენტრისა და საბიუჯეტო დეპარტამენტის წარმომადგენლები.

შეხვედრა მსოფლიო ბანკის, PEMPAL-ის, ავსტრიის ფინანსთა სამინისტროს მასპინძლობითა და პოტენციური ახალი პარტნიორების ჩართულობით გაიმართა.